陳倩揚爆老公滑雪水皮追唔上囝囝

藝人陳倩揚前晚偕麥貝夷出席首映活動，剛過元旦，身為人母的她透露日前一家四口到日本旅遊：「大雪到不得了，全程零度至零下三度，好彩帶嗰啲禦寒衣物夠用。兩個仔第一次去咁凍嘅地方，初初都擔心，啲行李準備咗一段時間。」又指大仔在當地上滑雪課程，每日學六小時，翌日下午已學懂，她說：「阿仔好犀利，老公學咗兩日半都未識，佢上咗山要行落嚟，仲要阿仔教番佢，我諗佢係我哋當中學得最快同滑得最快，老公已經追佢唔到。」問到老公有否因此受打擊？倩揚笑說：「佢有啲靦腆，但佢內心係好開心，因為見到個仔進步得咁快。」