胡美儀請纓做主持只收車馬費
藝人胡美儀及梁雨恩昨日於觀塘拍攝宗教節目，胡美儀表示今次是自動請纓，只收車馬費做主持：「我係藝人，又讀緊心理學，應該盡一分力。」她透露曾到監獄探訪終身監禁的囚犯：「我會同佢哋講『對唔住』，因為被傷害嘅人曾經被傷害。佢哋話聽到我句對唔住諗起對好多人唔住，希望紓解佢哋仇恨。」
而梁雨恩表示於節目中會分享初入娛樂圈及屋企經歷困難的事情：「之前家人都有抑鬱症徵狀，嗰時極度困擾我，差唔多搞到我都有情緒病，後來有信仰，心理上先有改變。」此外，她謂初入行時，唱片公司同事及經理人跳槽到另一間公司，自己亦崩潰到成為隱青，感自卑兼不敢出街。