鄧麗欣方力申合體傾佛偈

藝人鄧麗欣（Stephy）、姜皓文、寶珮如和導演許鞍華等前晚出席電影《藍天白雲》首映禮，早前Stephy被拍得與舊愛方力申（小方）同出席拜佛活動，疑似復合。一身紅裙的Stephy卻否認與小方復合，強調只是一班朋友去拜佛，被問到今次拜佛有否與小方有新火花？她笑說：「傾佛偈囉，又冇咩特別話題。（食餐飯？）真係冇喎，嗰日拜完就走啦！」因他們有共同朋友，見面食飯都不會尷尬，又指朋友曾講笑的提過希望二人復合，Stephy說：「都係熟先會咁講，不過講得多就真係會尷尬！」又指娛樂圈細，識新朋友機會不多。