張繼聰情難自制攬女慶38歲生日

藝人張繼聰（Louis）前日38歲生日，太太謝安琪（Kay）卻網上大爆老公投訴去年冇生日禮物收，所以她今年不敢怠慢，與囝囝張瞻合製一張立體生日卡送給老公，一打開會有一個立體生日蛋糕彈出來，卡入面更寫上「The Best Daddy In The World」字樣，相當有愛。

Kay表示連老爺亦出手安排生日大餐，姐姐則整了一個蛋糕。Kay在社交網更留言：「仲有一位令你情難自制嘅BB女喺你房等你，祝你生日快樂，每天開心。」然後上載一張全家慶生照，相中見到張瞻Chok到爆坐在枱上，張繼聰則攬實囡囡張靖，十分溫馨。

張繼聰同老婆仔女切蛋糕，仲有謝安琪與張瞻自製的生日卡。	謝安琪所講令張繼聰情難自制的BB女，咪係張靖囉！	張繼聰獲家人慶生，夠晒溫馨。

壽星仔張繼聰前晚亦在網上直播，多謝一班為他送上祝福的家人和粉絲，還透露生日雖然要開工，但獲劇組人員為他慶生感到開心。另外，他亦感謝有份演出劇集《誇世代》的一班台前幕後，還大讚同劇演員演技了得。

無憾暫別無綫

不過未知是否其公司與無綫之間的關係未明朗化，他有感而發表示：「呢套劇播完之後，我喺無綫嘅拍劇生涯暫時要告一段落。我都唔知幾時再可以喺電視機見到自己，我可以話係百感交集，但係又覺得好開心，如果呢一套暫時係最後一套，我都覺得無憾。」

文：專案組