JC留港生B湊「好」字

已育有一女的名模Jessica C.（JC）早前在社交網宣布再懷孕後，昨日首度與鍾楚紅現身品牌活動示人。佗有四個半月身孕的JC，以低胸連身裙及4吋高踭鞋上陣，透露預產期是6月，並暗示佗仔，成功湊成「好」字：「老公（安志杰）好開心，因為BB性別係佢夢寐以求嘅，佢估啱咗（性別），我估錯。（會喺邊度生﹖）今胎會喺香港生，因為囡囡Tessa要返學，佢又黐我，我唔開心係因為我家人唔喺香港，但開心係我建立新家庭。」她指囡囡現時常會錫其肚，但怕BB出世後囡囡會呷醋。對於懷孕後仍穿高跟鞋，她笑言：「囡囡（埋身）危險過着高踭鞋，佗Tessa嘅時候我着得仲高過依家。」