Eric Kwok被印度男胸壓搽油
演員郭偉亮（Eric Kwok）、張建聲、徐浩昌（肥腸）在電影《三個綁匪七條心》首度合作，戲中有不少「爆肚」搞笑場面，三人更擦出火花成為好友，Eric Kwok笑說：「感覺好似失散咗廿年嘅兄弟，多嘢講到唔知點解咁多嘢講。角色要講好多對白，仲要講得快，如果去到片場唔熱身，我條脷就會講唔到嘢。」
Eric Kwok自言性格內向，平日比較寡言，跟角色相反，亦是新片吸引他的地方。戲中有場印度男人為Eric Kwok搽油的「肉搏戲」令他畢生難忘，他笑說：「我赤裸上身攤喺度，個印度男人幫我搽油，拍完佢好似受創多過我，佢好多胸毛壓喺我身上郁嚟郁去，感覺好似鋼絲刷，呢啲感覺一世人唔會有第二次，要好好珍惜。」張建聲笑說：「嗰支一定係印度神油。」
