爆陳豪多咗He粉陳茵媺撐老公攞視帝

前港姐陳茵媺（Aimee）昨日出席隱形眼鏡品牌活動，提到老公陳豪憑無綫劇《誇世代》角逐視帝，問到可有在小朋友學校向其他家長拉票？她甜絲絲地說：「唔使啦！佢一定得o架！我會支持佢！有時出街啲人見到我都話『我好鍾意你老公』，男女粉絲都有。」她又認為老公自操Fit後，多了不少男粉絲：「我鍾意佢健康咗，小朋友都話想同佢一齊練。」