前中國小姐趙哲妤（Uny）與藝人楊埕（圖左）日前到廈門出席活動，Uny稱最捨不得離開囡囡小魚：「今次連搭飛機時間，有50幾個鐘見唔到小魚，真係超級掛住佢，但冇辦法啦！搵錢緊要，依家香港養小朋友真係唔容易，所以我都要盡力搵多啲錢呀！」楊埕則透露之前在湖南忙於拍攝工作，至凌晨才趕飛機前往廈門，但到達才發現行李沒有上機：「原來佢哋將行李放咗去遲一班去廈門嘅航班，冇諗過咁嘅事發生喺自己身上！」
