以為賺咗千萬 蔡瀚億呻大把朋友約食飯
藝人蔡瀚億（BabyJohn）及林建明（大姐明）昨日到大美督出席活動，BabyJohn說：「我唔會落場跑，因為我病，之前感冒發燒又腸胃炎，但好多朋友約我食飯聚會，搞到捱更抵夜，比開工拍嘢仲嚴重！我啲朋友以為我舊年搵咗成千萬，其實只係我演嘅戲有過千萬票房，並唔係我搵到咁多呀！」
大姐明則解釋右邊面上貼上膠布的原因，她說：「唔知係咪年紀大，成日跌倒，試過撞到左邊腳、膊頭，幾個月前撞親塊面，已經好番，但有疤未散，貼膠布希望唔好被陽光曬住，驚條疤變深色。（考慮做醫學美容除疤？）仲諗緊，睇遲啲點情況再決定。」