唐貝詩見邵音音鬼咁心寒

唐貝詩（Lydia）首次拍靈異劇，日前與前輩邵音音現身觀塘區一停車場，為《怪異集：招魂車》開工。邵音音在劇中化身擁通靈能力的垃圾婆，對被惡靈纏身的Lydia表現得兇神惡煞，Lydia為配合角色需要，化上黑眼圈妝容，樣子殘爆。

紙紮公仔得人驚

Lydia接受電話訪問時表示向來喜歡看鬼片，首次拍攝靈異劇非常開心，她說：「我都幾大膽，本身唔驚鬼，不過拍嘅時候因為好投入角色，所以都有啲驚，而且劇組整咗個紙紮公仔嘅我，都幾恐怖。」

演乜似乜兩度合作

此外，Lydia表示最開心是可以跟邵音音合作，大讚對方專業，演技出色：「佢一個眼神都令人覺得好心寒，佢演乜似乜，因為佢喺套劇入面好惡，所以鏡頭後我都有啲驚佢，但其實佢私下好好人。我二月有機會再同音音姐合作拍電影，好期待。」

Lydia大讚邵音音演乜似乜，眼神令人心寒。	在劇中被惡靈纏身的Lydia，樣子殘爆。	邵音音在劇中演有通靈能力的垃圾婆。

文：名人組