陳倩揚炮製「乾炒河」入廚充滿愛
東網巨星節目《星級煮意》廣邀名人紅星大展廚藝，今集請來前港姐陳倩揚示範走肉多菜版的「乾炒河」，自小入廚的陳倩揚表示拍拖時為男友做愛心飯盒、生兒育女後以美食氹家人開心，認為學廚令人終身受用！
陳倩揚自言細細個已經跟母親學廚，充當小助手：「細個未夠高已經搬櫈仔企高幫媽咪洗菜、洗米，學佢煮飯，又鍾意同媽咪去街市買餸。」她笑言很喜歡蒜蓉及薑落鑊時的滋滋聲，而每天回家，未入到屋已聞到陣陣飯香，感覺很有家庭溫暖。
享受親子活動
陳倩揚謙稱算不上廚藝精湛，但深深體會到「入得廚房」對女生非常重要：「細個好期待上家政堂，煮嘢食都幾高分。到大個拍拖，覺得識煮飯真係幾好，間中會整便當、飯盒，到依家結婚做咗媽咪，可以氹小朋友開心。」她認為跟小朋友一起入廚，是很好的親子活動，還會為家人研究美味又有營養的食譜，正如今次她教大家做的乾炒河，就採用大量蔬菜，包括椰菜絲、紅蘿蔔絲、三色椒、洋葱及芽菜等，十分健康。
杜汶澤讚有料到
「星級廚神」杜汶澤大讚陳倩揚有料到，將材料分開炒的做法相當聰明，因為不同食物的受熱時間不一，他提議：「我會將洋葱分開兩份，炒熟部分洋葱後再炒河粉，最尾再加啲生洋葱落去一齊炒，咁就會有兩種唔同味，生洋葱辣辣哋、爽爽哋好過癮。」《星級煮意》邀得陶大宇、黃建東、陳嘉桓、陸浩明與女友、陳嘉佳、朱慧敏等亮相，其他名人、藝人亦會陸續登場，示範不同菜式，更有專家提供煮食要訣，娛樂與資訊並重，大家可透過東網App或東網網頁收看。
https://goo.gl/AZqcwW