蔡少芬生B要經理人批准
藝人張晉與老婆蔡少芬（Ada）昨日現身工展會，Ada透露正計劃農曆新年外遊，但張晉笑言：「我唔知嘅！通常passport唔喺我度，我都唔知去邊，之前聖誕我哋一家去大阪滑雪，期間見到彩虹，好近好大，兩個女都好開心，話係佢哋嘅first time！上年我掛住工作，2018年我想兼顧工作同家庭。」
Ada則讚老公：「男人係做大事嘅，老公以前拍戲睇熟劇本就得，依家佢自己開戲，要兼顧更多嘢，其他事等我搞。（會唔會追個仔？）呢樣要問老公同經理人。不過做呢樣嘢前就要調理好身體，食多啲健康食品就啱喇。」