何超蓮帶蕉闖新西蘭被扣查
賭王三房千金何超蓮、楊千嬅老公丁子高、DJ少爺占（甄子康）及Donald（唐劍康），昨日出席護膚活動。四人早前遠赴新西蘭拍攝極限真人騷，超蓮透露在當地過關時被扣留：「當地唔畀帶生果進口，我個工人姐姐唔知，佢怕我肚餓，將五隻蕉放咗入我嘅行李，所以過唔到關，最後罰咗幾百蚊新西蘭幣。」
被改花名「超蠢」
丁子高表示跟超蓮拍節目很好玩，並為對方改了花名「超蠢」，少爺占笑言：「其實湊住超蓮已經係極限運動，因為要同佢解釋好多嘢。超蓮嘅電量好似用唔完咁，冇乜見過佢瞓。我哋拍嘢時間已經好長，拍完佢仲可以玩。」他又踢爆丁子高在新西蘭機場發生蝦碌事件：「喺機場入面行咗半個鐘，突然聽到丁生大叫，原來佢有兩個一樣嘅篋，但拎漏一個，佢之後要返轉頭拎。」
另外，超蓮的舅母早前過身，她稱心情已平復：「佢本身有肺癌，離世係因為併發症，覺得好突然。媽咪心情都OK，佢要睇住我舅父。」提到胞弟猷啟日前在社交平台放閃，大晒與女友合照，超蓮坦言見過對方，並讚胞弟靚仔，覓得靚女友很正常。