求鋒菲咀住唱小S遭滅聲
近年專注做「鋒味廚神」的謝霆鋒，重拾歌手身份推出新作，昨日在北京舉行新歌發布會，多位巨星好友拍片祝賀，其中陳奕迅的短片由馮德倫和舒淇夫婦操刀，小S（徐熙娣）則最抵死，提議霆鋒和王菲合唱及咀嘴，但慘遭「滅聲」！
霆鋒日前驚喜現身叱咤頒獎禮任表演嘉賓，唱出經典歌《玉蝴蝶》及《活著VIVA》，引起極大回響，不少網民要求他放低鑊剷回歸樂壇。昨日霆鋒到北京為新國語歌《異想天開》（粵語版《有火》）舉行《謝霆鋒2018異想天開音樂計劃發佈會》記者會及MV首播，斥百萬人民幣打造大型會場。
未知會否出專輯
霆鋒穿灰色西裝襯牛仔褲現身，司儀問歌名《異想天開》有何意思？他表示：「呢首歌係先錄粵語版《有火》，之後再啟發我創作國語版《異想天開》，到依家為止我錄好幾首作品，但仲未創作完，可能我哋會去外國唔同地方錄音。」但霆鋒坦言未知會否出專輯，但就有很多音樂的構思。
一眾好友容祖兒、陳奕迅、陳偉霆、Twins、范冰冰、小S、李榮浩、楊冪紛紛拍片祝賀，當中最搞笑是小S，她稱︰「謝霆鋒，我希望可以看到你跟＿＿（被滅聲之餘，小S嘴部更被Key上小狗頭）一起合唱，然後一起拍一隻MV，然後在裏面親嘴。」雖然兩個字被「滅聲」，但大家都猜到她說「王菲」，全場爆笑。壓軸的Eason一臉正經介紹霆鋒新歌，但中途霆鋒「彈出來」搶鏡，相當搞笑。片尾特別鳴謝「導演」馮德倫和「打燈」舒淇，原來拍攝短片當晚，霆鋒正與他們食飯。
想搞美食音樂節
記者會上，經理人Mani代粉絲跪求霆鋒開騷，她指若霆鋒答應，給他用刀叉掟都可以。霆鋒表示：「可能搞一個美食音樂節，入場人士可以品嘗到我為大家喺世界各地挑選嘅美食，亦會有我創作嘅新菜式，當然每晚嘅重頭戲就係音樂會，不過要搵到適合嘅場地，係目前最困難。」
文：音樂組