傅嘉莉揸車遇火警驚辣着

無綫藝員傅嘉莉、袁文傑、張景淳及姚瑩瑩等昨日在將軍澳電視城出席1月星辰活動。穿透視裝的傅嘉莉出席活動前駕車經過灣仔堅拿道天橋，遇橋底垃圾箱起火，濃煙猛烈直沖上天橋，她說：「當時見到好大煙、好大火，嗰刻都好驚，但天橋唔可以停低，見前面啲車都踩油衝過去，惟有好驚、好驚、好驚咁衝過去！仲以為旅遊巴着火，唔知會唔會爆炸，亦唔知啲火會唔會辣着架車啲嘢，後來聽到警車聲知道已經報咗警。好似逃過一難咁，架車之前遇過水浸，依家又遇埋火，我架車萬能o架喇！」