連詩雅澄清冇欠租：已簽新約
歌手連詩雅（Shiga）近日是非纏身，有指她所住的筆架山單位欠租超過10萬港元，日前又傳出其母疑似被貼大字報。Shiga罕有為傳聞受訪，直指事情嚴重且涉及家人，有必要解釋及回應，更拿出業主的錄音及新租約證明自己沒有欠租。
現居於九龍塘筆架山的Shiga最近傳出租務問題，另日前九龍塘港鐵站附近出現懷疑是有關其母的街招。昨日Shiga接受無綫娛樂新聞台訪問，指今次涉及比較嚴重的事情，而且涉及家人，所以必須回應，又稱媽媽與工作夥伴有誤會而弄出惡作劇，媽媽會把事件交由警方處理。
不清楚母親工作
Shiga坦言不太清楚媽媽的工作，但無論對方做甚麼都會百分百支持：「雖然佢個樣唔似，但畢竟佢都係70歲嘅婆婆，希望大家高抬貴手，畀啲空間同時間佢解決佢公司嘅問題。」
至於Shiga的欠租傳聞，她一再強調沒有拖欠任何租金，但承認有處理不當的地方：「上一個租約完咗之後，我一路未簽新嘅租約，但我同業主不嬲都保持友好關係，好信任大家，我每個月都有準時交租畀佢。我一路都有搬嘅意願，但因為工作真係忙，要搵屋唔係簡單嘅事情，所以一路冇處理租約問題。」
否認第三者代租
她透露已經與業主簽定新租約，更展示業主為她澄清的錄音，當中業主說：「拖欠租金係冇其事，近呢3年Shiga除非出咗外，佢交租都好準。我承認呢個單位冇簽合約，因為大家信任，大家好朋友，但因為今次嘅事件，我哋今日補簽番合約。」Shiga隨即拿出臨時合約，除否認財政及生活有問題，又否認單位由第三者代她租：「有列明係我本人嘅公司去租呢間屋，由始至終都係。」她抱歉令身邊人擔心，坦言今年會繼續努力工作。
文：音樂組