森美叫囝囝溝洋妞：完成老竇心願
藝人森美昨日以愛心大使身份，到九龍塘街頭出席慈善義賣活動。他表示希望為低收入家庭及小朋友籌款，並笑言：「有啲小朋友好高收入o架，好似Celine（譚芷昀）咁。」他透露一向有灌輸金錢概念給小朋友，例如教他們如何運用金錢，並指現時供大仔讀書的使費，比起當年爸爸供他留學時高出三倍，更自爆供兒子讀書的使費，超過收入的三分一。
談到大仔第一年去英國讀中四，問森美可會批准對方拍拖？他搞笑稱：「今朝先開完家庭會議，我個女就六年班，同佢哋講吓愛情。我問個仔有冇鍾意人，佢話冇，咁就死啦！我三年班寫情信，中一就拍拖。我好擔心，應該睇吓啲洋人，完成吓老竇嘅心願，不過太太就係咁叫佢努力讀書。」
考慮做無綫親生仔
問到會否安排大仔於英國完成大學課程？森美笑指已要求他入讀牛津大學或劍橋大學，不過若大仔想回港完成學業都沒所謂。談到未能與陳豪齊齊入圍無綫頒獎禮「最受歡迎電視拍檔」，森美笑言：「有啲失望，下年考慮做親生仔，明明我簽約拍劇嘅時候傾咗攞獎，可能下次要講清楚啲。」
文：音樂組