袁文傑調戲麥美恩：你對奶敏感？
藝人袁文傑、馮盈盈及陳煒等昨日於電視城出席無綫節目記者會，眾人大講鹹濕笑話，袁文傑更問麥美恩「你對奶敏感？」，又輪流講「搾乾晒啲水」，馮盈盈更指：「節目名應該叫游生真識食！」
無綫節目《食得好健康》昨日於電視城舉行記者會，邀得陳煒及蔣怡等任嘉賓廚師。眾人與主持人袁文傑、馮盈盈、麥美恩等，輪流講鹹濕笑話。陳煒示範菜式時，謂要先將菜「用力撕出嚟」、將烚熟的菜「搾乾晒啲水」，袁文傑更笑問麥美恩「你對奶敏感？」。而馮盈盈在示範包燒賣時，更問：「燒賣係用咩皮包？」令現場觀眾笑到肚痛！
「游生」陷三角戀
袁文傑透露節目會代入劇情，自己雖是主持人，但會在節目中叫「游生」，又指見到其他主持人及嘉賓名單後感到愕然，因為節目美女如雲，指另一主持馮盈盈是「MK女神」。而馮盈盈則表示袁文傑與她會捲入三角戀，笑言：「節目除咗教食得健康，仲有三角戀，節目名應該叫『游生真識食』！」
馮盈盈打底褲任睇
談到盈盈在《#後生仔傾吓偈》中的精彩片段被網友剪輯成短片，她重提最精彩的畫面應該是其中一集不斷走光：「唔記得咗自己坐高櫈，郁嚟郁去，係咁走光。其實係打底褲，但打底褲啲色睇落去又唔似打底褲，所以依家有個Idea，就係喺打底褲上面印住打底褲三隻字！」盈盈又自爆出外景時，曾有工作人員收到商店的電話，指有人遺漏了打底褲，她笑說：「好似係我o架！」
至於陳煒將任嘉賓主持，在每集節目中示範健康菜式，以新鮮食材煮出有營食物，又笑言年紀變大，所以比以前注重健康，現在對養生方法、看中醫、健康食物花費得最多。
文：影視組