阿Sa孖祖兒阿嬌 自認搖錢老樹

【衛紫敏澳門直擊】祖兒、阿嬌和阿Sa為首支合唱歌專程到在澳門取景，獲安排在摩天輪前進行打手印儀式，祖兒因身穿Low-cut裙，烏身時阿Sa在旁出手按住祖兒心口，怕她走光，阿嬌亦自爆所穿白裙是臨急向阿Sa借，盡顯姊妹情深！

爭取多見男友

講到三人終於有合唱歌，祖兒說：「今年係閨蜜年，年頭同阿Sa去完旅行，跟住我哋三個一齊拍廣告，到依家又合作，冥冥中自有主宰，係剛剛好。」由於三人同一公司，阿Sa笑言定會再有其他合作：「佢哋一定唔會放過搵錢嘅機會，今次仲要係國語歌，我哋係一棵好大嘅搖錢樹，三個加埋係棵百年老樹！」

阿Sa、祖兒與阿嬌「龍虎豹」齊齊打手印。

阿嬌自爆所穿的白裙是向阿Sa借。

日前阿嬌被本報拍得「偷運」男友賴弘國返閨，阿嬌即說：「幾時偷運呀？（光明正大？）係呀，佢有手有腳識得自己行。（男友又攝時間來探你？）佢都辛苦，都覺得好感動，佢好忙，但大家都想見多啲維繫感情。（叫男友考慮在香港開醫學美容院？）我都有問過，佢話做唔到，你哋唔明(口架)喇，唔係咁簡單。」

同樣蜜運中的阿Sa上月生日，問到麻雀館太子爺男友可有送戒指做禮物？阿Sa說：「冇，佢有送禮物，不過唔講你知係咩。」

送I Luck You麻雀

阿嬌就爆：「佢哋鍾意啲嘢好奇怪。」問是否送刻有Sa字的麻雀？阿Sa笑言：「係呀上面寫住個Luck字。」祖兒即搭嘴說：「I Luck You呀？」

對於謝霆鋒Chok爆騷廚藝的片段在網上瘋傳，黃秋生、張敬軒亦拍片抽水，祖兒說：「我喺現場親眼睇到仲勁，佢煮嘢嘅時候進入忘我境界，佢係Chef LéMon。」阿Sa則叫霆鋒做「Chokonic Challenge」。