春野惠蜘蛛精降世

好多人形容又姣又鍾意勾引男人嘅女人做狐狸精,但係小弟覺得叫做蜘蛛精會比較貼切,因為佢精於製造陷阱引獵物自投羅網!之不過,男人就係容易被美色所迷,就算明知對方係蜘蛛精都好,美色當前便失去理智,若然對方好似春野惠咁姣又咁索就更加連命都唔要,上刀山落火海都制呀!

妖媚健美

日本寫真美人兒生得貌美又好身材,一般都會行健康性感路線,好似原幹惠、星名美津紀、吉木莉沙咁,出道多年來都唔會有大膽演出以保持健康形象。之不過,亦有唔少寫真妹劍走偏鋒,專門以極盡挑逗性嘅高度露出姿勢誘惑觀眾,好似年前紅極一時嘅壇蜜以及近期人氣爆紅嘅「國民情婦」橋本愛實就係好例子,除咗佢哋之外,鍾意妖艷美人的話,大家仲有一個選擇,佢就係春野惠喇!

29歲嘅春野惠係小弟最鍾意嘅寫真女郎之一,佢個樣媚態萬千,雙眼電力十足且淫意外露,話佢係良家婦女都冇人信囉!春野惠仲同時擁有一副足以迷倒天下男人嘅極品火辣身材,全身肉地嫩白之餘,亦唔見有多餘肥肉,健美而結實嘅胴體配上純天然嘅堅挺G奶,簡直係人品極品呀!

形象挑逗

春野惠個樣生得咁姣身材又咁好,當然會惹來唔少狂蜂浪蝶啦!據春野惠表示,平時因為工作嘅關係,不時要去到新宿歌舞伎町嘅彈珠機店做宣傳,成班女仔就當然冇事啦,但係當春野惠一個人嘅時候就經常會有人上前搭訕喇!惠妹自言性格怕醜,不善與陌生人接觸,所以都係行開唔理會對方,又真係估唔到惠妹嘅性格會係咁喎!

一直以來惠妹予人極具挑逗嘅形象,上年推出咗一首首名為《女郎蜘蛛傳說》嘅歌曲,惠妹扮成性感蜘蛛女拍攝封面添!有陌生人嚟搭訕相信係人都會覺得周身唔自在,但係若然係恩客就冇問題喇!春野惠近年除咗參與舞台表演及電視劇,亦經常舉行攝影會搵真銀,仲以身體作為教材,喺寫真教室充當攝影學徒練習嘅對象,面對呢班老闆,春野惠嘅表現梗係有咁放得咁放啦!

春野惠 Profile

年齡:29歲

身高:5呎2吋

三圍:37G-24-35

社交網站

簡介:春野惠近年成日都會喺攝影會出現,事後佢都會喺Twitter同大家分享現場花絮同性感照片,Click入去欣賞一定可以大飽眼福。

網址:https://twitter.com/haruno_megumi?lang=ja

撰文:賢