林作媽咪驚爆麥明詩拍戲遭性侵

麥明詩（Louisa）日前在社交網自揭大學時參加交流團，在內地遭性侵犯，震驚全城，有網民支持她，亦有人指她抽水！昨日林作在社交網解釋抽水定義時，無端爆出媽咪王莉妮亦是性侵受害者，王莉妮承認此事，同時爆出麥明詩兩年前拍戲時亦曾遭性侵，認真爆上爆！

澄清搞錯時間

王莉妮說：「兩年前佢（麥明詩）有講過，拍戲時畀人性侵，好想告對方，我阻止佢。我做過呢啲事情，當時好後悔。」但她其後又致電本報澄清，自稱搞錯時間：「原來我搞錯咗時間，麥明詩被性侵係佢入行前嘅事，並非兩年前拍戲發生。」並向對方致歉！

不過，王莉妮的「爆料」令麥媽媽麥何小娟甚為激動，回應時更數度嗚咽：「林作媽咪唔應該講呢啲，Louisa喺社交網出咗兩個Post，講得好清楚。佢係想幫人，因為佢讀法律，所以認為Sexual Assault翻譯為性侵，一般人嘅了解係非禮，呢個係翻譯問題，再解釋係唔公平。」

亂講傷害名聲

麥媽媽續說：「由第三者、前男友媽媽爆料更加唔好，任何一個人喺街都可以講嘢，Louisa朋友都可以作啲嘢出嚟，總之除咗麥明詩本人承認，唔應該將事件發酵，所謂爆料係唔道德，亂咁講會傷害一個人嘅名聲。」並指女兒自揭露性侵經歷後很不開心，覺得被人誤會，深感壓力。

文：名人組