霆鋒4萬里長征-19℃覓食

謝霆鋒日前在米芝蓮晚宴上炮製朱古力的短片被網民瘋狂洗版，圈中藝人張敬軒、鍾舒漫都搞笑地拍片向他致敬，昨日霆鋒飛到北京為其主理的美食節目《鋒味》舉行上線發布會，會上播放一段長三分鐘的宣傳短片，片中見到大廚霆鋒率領明星嘉賓容祖兒、Twins、陳偉霆、王嘉爾及徐熙娣（小S）等，展開約4萬公里長征描繪美食版圖，足迹遍及香港、香格里拉、澳門、雲南、上海、泰國、新西蘭、意大利等，加上同行的八名「鋒廚」，跟全世界的頂級廚師進行廚藝PK和美食鑑賞。

頂級卡士全靠人緣

今次走勻半個地球與的名廚PK，新節目的形式亦令他頗有壓力，不過都是難得的經驗，《鋒味》總製片霍汶希說：「為咗拍《鋒味》，霆鋒推咗好多部戲，而請嚟嘅藝人嘉賓，如果要以市場價去計，節目根本做唔到，因為太貴喇！都係靠霆鋒咁多年嚟累積返嚟嘅人緣先請到。」

容祖兒與霆鋒咁老友，當然樂於助陣。	謝霆鋒（左三）、霍汶希（左二）等昨日在北京宣傳《鋒味》。	霆鋒邀得徐熙娣及陳偉霆加入新一輯節目。

挪威之行有壓力

霆鋒即將出發到北歐的挪威，他很期待破冰船之旅：「要去海上搵螃蟹、鱈魚，其實都好困難，唔係所有嘉賓都願意跟你到零下19度嘅地方。」過去幾年，霆鋒將心思全放在美食節目上，他說：「到了外國很多餐廳，中餐只有咕嚕肉、左宗棠雞，如果再沒有推廣或維護，中餐就會流失，呢個就係我堅持做《鋒味》嘅意義。」對於父親謝賢早前在內地綜藝節目疑踢小朋友Pat Pat惹爭議一事，霆鋒沒有看到這新聞，他說：「小時候父親沒有打過我，都是媽媽打。」

文：音樂組