張繼聰工作排到明年

張繼聰

懶理閒言閒語

談到太太謝安琪（Kay）將復出，問到會否怕因自己遭封殺而要太太搵錢？阿聰笑說：「對呢啲閒言閒語，我可以話係專家，今時今日呢啲說話入唔到我五公里，點樣都有人講，唔會有壓力，我依家心態好健康，太太復出梗係想佢全力做好自己嘅嘢，我嘅工作已經落實排到出年。」談到他在社交網上載與細女張靖玩耍的照片，並留言：「該名男士玩到成個昏君咁，該名少女（Karina）以瘋狂眼神向該名男士嘅老婆示威。」張繼聰冧爆說：「我梗係冧啦！老婆都覺得搞笑。佢（囡囡）係有呢鋪癮，但有時好識做，一見到媽咪會飛撲去佢度，要媽咪抱。」

Kelly聖誕唔出埠

同場的Kelly獲頒「最強人氣廣告天后」，表示聖誕不會去旅行，只打算帶囝囝去主題公園遊玩。朱千雪則奪得「最強人氣廣告新人王」獎。此外，曾志偉未有為今年的《歡樂滿東華》擔任司儀，他解釋內地的夢參和尚日前離世，自己是治喪委員會會員，所以到五台山送對方最後一程。

張繼聰被囡囡起飛腳。	陳慧琳貴為人氣廣告天后，深受客戶喜愛。	朱千雪喜獲「最強人氣廣告新人王」獎。