無綫台慶劇《誇世代》前晚一集中，現年28歲、前香港游泳代表「小鮮肉」余德丞（Dickson）與麥明詩有場落水戲，身穿白色一件頭泳衣的麥明詩被Dickson推落水，但原來麥明詩不諳水性，Dickson即跳下水上演一場英雄救美戲份！不過麥明詩的泳衣相當保守，睇頭欠奉兼放送iPad胸，反觀大晒40吋胸肌的Dickson則冧暈不少女粉絲！
Dickson受訪談到出街有否妹妹仔投以傾慕目光時，他笑言：「尋晚先播，邊有咁快，等我依家喺銅鑼灣感受吓先！」說到他的身材比麥明詩更吸引，他說：「咁又冇得咁比，男同女冇得比，場戲重點唔係呢度！（但觀眾同網民重點係！）咁佢本身都係美貌與智慧並重嘅港姐。」問他是否喜歡身材豐滿女士？他說：「我又冇乜所謂，最緊要性格好。」而麥明詩受訪則笑言：「我都認同啲網民，我都鍾意睇佢個胸多過睇自己個胸！」
下周一《誇》劇情指張繼聰捉了關禮傑並困於山窿內，張繼聰問關禮傑：「你有冇睇過《致命復活》呀？」關禮傑答：「呢度係越南？」張繼聰說：「差唔多！不過呢度係西貢！」場口玩味十足！