森美聖誕盼收威士忌
藝人森美前日在澳門為「第七屆澳門購物節」啟動禮擔任司儀，同場還有購物節大使黎貝卡。聖誕將至，森美透露希望過浪漫聖誕，計劃到日本睇燈飾，他說：「聖誕節梗係去啲浪漫嘅地方，有雪當然係最好，東京係一個好地方。」
他謂想到涉谷睇燈飾：「呢個燈飾喺2014年目黑河首次舉辦，2016年就將場所改為涉谷，今年就舉辦咗『藍色洞穴』，總共約60萬個球嘅藍色LED照明好正，由涉谷公園去到代代木公園大約800米，全部都係LED燈都好壯觀，又唔老土，好型又浪漫，諗住去睇。」問到最想收的聖誕禮物？森美說：「一支唔貴，但好飲嘅威士忌，覺得冬天時候攞住杯威士忌，聽住聖誕歌咁就最浪漫。」