吳若希自爆諗過「落仔」

入行7年、年僅25歲已成為人妻人母的Jinny，在昨日播出的電台錄音訪問中分享與老公的甜蜜戀事，Jinny談到與老公戲劇性復合兼在今年產女並結婚，她首先直認Alex是她的歌迷：「Alex的確係我歌迷，事關拍拖後，我Check佢手機以往嘅紀錄，佢用我啲歌詞去冧Ex（前度）囉，哈！」並大方透露Alex於2015年底邀她往澳門剪綵，促使兩人相識，之後Alex要求Jinny介紹風水師給他，繼而接觸多了，男方再向她展開追求，她坦言除了欣賞對方孝順及顧家外，更直認這麼快肯定對方是與「迷信」有關，她說：「因為師傅睇過我哋嘅八字，佢一句：『你又旺佢，佢又旺你！』」

承諾唔亂掟嘢

不過Jinny坦承兩人一度因為吵架而分開，繼而發現懷孕令二人復合：「分開後大家都唔捨得對方，我心知嗰時對佢發好大脾氣，但亦因為發現佢某啲嘢講大話，所以當有咗BB後，係唔知點算，有諗過係咪要呢個BB，但真係做唔出，好快就決定要生落嚟。」當告知Alex有喜後，兩人再走在一起，互相坦白提出條件，Alex要求她：「以後你發脾氣唔准掟嘢！」她答應：「好！但你以後唔准對我再講大話！」終令兩人修成正果。

傳被包養感委屈

Jinny指丈夫很疼錫女兒淼淼，夫妻關係更好，老爺奶奶也支持她復出幕前工作。被問到產女後才結婚，「迷信」的她承認是師傅揀的好日。至於早年承受不了外間負評，她坦言最委屈是傳她被包養，其後她患上抑鬱症要服抗抑鬱藥，導致有段時間面貌變得浮腫。

文：音樂組