歌手鄭俊弘（Fred）昨晚現身《東華》，對於女友何雁詩被指日前出席老友陳嘉寶婚宴時發酒癲兼自稱單身，Fred坦言不明為何有如此新聞炒作，問到女友平日酒量如何？他說：「係會飲幾杯，但冇發酒癲，當日我有工作冇去婚宴。（同何雁詩仲係情侶關係？）係拍拖，OK嘅。（女友呢排唔開心？）冇事，笑一笑就算啦！（有冇了解女友喺陳嘉寶婚禮嘅狀態？）唔知，佢成班朋友一齊冇問題。（有指女友發酒癲時，全程由魔術師甄澤權照顧？）佢變魔術畀佢睇咋嘛？呢啲都係炒作出嚟嘅啫！」
