陳凱琳讚愛心爆棚願為嘉穎生B

每年一度《歡樂滿東華2017》昨晚於電視城舉行，關楚耀、胡鴻鈞、陳凱琳（Grace）、黃智雯及張秀文等藝人傾巢而出，以不同方式表演，展開長達7個小時的馬拉松式籌款。一班港姐馮盈盈、張寶兒、張寶欣等大跳Dem Beat舞揭開序幕，及後薛家燕、黎小田、林慕德亦有獻唱；莊思明、文凱玲、劉溫馨就表演敲擊樂，期間彭慧中不慎甩手跌道具杯；至於有舞蹈底子的智雯則跳踢躂舞晒舞技。

眾藝人為慈善出力，Grace更「出口術」拉埋男友鄭嘉穎落水，指男友一向對慈善很熱心，尤其愛錫小朋友，她說：「佢特別錫小朋友，之後佢都有呢方面活動。（將來一定會生B？）有能力嘅都會。（有共識？）有嘅，大家都好鍾意，就算依家未有，都會鍾意其他小朋友。（幾時落實生？）大家關係好好，有傾將來嘅嘢。」

胡蓓蔚慘變「落湯雞」

而單立文就孖住太太胡蓓蔚上陣，於「善心勁抽大濕身」環節與東華副主席王賢誌對壘，以猜包剪揼來決勝負。由於環節會濕身，單立文自言是家庭經濟支柱不能淋濕冷病，所以要老婆頂上。而王賢誌則自爆有泳褲打底「冇有怕」，結果該環節籌得30萬，但胡蓓蔚卻變成「落湯雞」。

鄭嘉穎	文凱玲（左起）、莊思明、蝦頭、彭慧中及劉溫馨齊齊表演敲擊樂。	呂慧儀不停俯身晒事業線。

至於榮升母親的車婉婉就於「包得快，籌得快」項目中鬥快換尿片，期間呂慧儀表現落力，不停俯身露事業線，與麥美恩等人按道具BB肚仔，令BB何B仔不斷噴水，場面搞笑。

黃智雯與陳嘉佳跳踢躂舞籌款。

單立文搵老婆胡蓓蔚頂上玩濕身遊戲。

文：影視組