生仔唔結婚 祖兒：我都可以！
天后容祖兒（Joey）與名媛林煒珽、周美鳳女兒蔡欣熹昨日出席品牌活動，Joey表示近年多了出席時裝活動，但私下衣服會着幾年不捨得浪費，要儲錢積穀防饑。Joey透露曾買過人生最貴的裙要30萬元，並用於演唱會上，現放於倉內，笑言將來要叫子孫不要扔掉留來作展覽，更自爆曾想造一條100萬元的高級訂製服：「我肯定自己孤寒冇做到。（會唔會100萬做婚紗？）唔會，只會用錢喺舞台，而且未有結婚計劃。」
提到男友劉浩龍受訪時表示結婚為生仔，問她會否不開心？Joey說：「唔會唔開心，生仔係搵喜歡嘅人去做愛情結晶品，每個人諗法唔同，我覺得生仔唔一定要結婚，我都可以唔使結婚。」至於好姊妹鍾欣潼的男友賴弘國秘密來港，她稱不知道，叫大家給二人空間。
另外，林煒珽表示下月與未婚夫Steve到英國揀婚禮場地，希望明年聖誕節結婚，又透露爸爸送婚紗作禮物。