陳嘉寶認做契媽陪食Tea減壓

賴慰玲的BB快將出世，身邊好姊妹亦替她緊張！新婚的陳嘉寶（Anjaylia）自認做埋契媽，問到賴慰玲有否產前神經質？她說：「佢好多時都好敏感同緊張，驚自己唔夠瞓，又驚咁樣做有冇影響BB，咁我相信第一次懷孕嘅媽媽有咁嘅反應好正常！佢個人好樂觀，所以都冇咩嘢嘅。（點幫佢紓緩？）多啲同佢傾偈，陪吓佢食吓Tea，一班人一齊玩。（你都快啲生番個？）暫時未有計劃，工作都排到密麻麻，家人都冇畀壓力。」