郭力行蝸居80呎12蚊人仔度日

久未露面的郭力行當年毅然離港北上發展,坦言起初幾個月一直沒有工作,只能窮住80呎蝸居,死慳死抵日用12蚊人仔,難怪他重提辛酸時忍不住流男兒淚。

藝人郭力行(Rico)近年主攻內地市場,談到當年為何毅然隻身離港外闖,他透露當年約滿後想轉換新工作環境,但自己當時一無所有,碰巧有內地公司有意邀請他到內地工作,故決定往內地闖:「其實去到嗰邊都唔知會做啲咩,真係唔知道自己嘅前路係點!」他直言剛到北京的日子非常難捱,起初因語言不通而不敢外出,到埗三個月都沒有工作!居住的地方只有80呎,他只能用12元人民幣度日:「嗰時冇拎好多錢去內地,唔想問屋企拎,啲錢要慳住用!諗番起係好珍貴嘅人生經歷。」

「等成日先拍一場戲」

萬事起頭難,問到可有萌生放棄的念頭,Rico坦言絕對有,憶起首次參與拍攝,更一度落下男兒淚:「冇人識自己!等咗成日先拍一場戲,但只要有一個機會我都好感恩,因為明白嚟到新地方就要咬實牙關由頭開始過。」幸運地經過那次拍攝後,有香港導演得悉他到內地發展,開始提供更多拍攝工作,直到現時已有機會擔任男主角。

雖然接觸影視工作較多,但Rico一直沒有放棄音樂:「咁耐以嚟都建立咗好多關於做音樂嘅嘢,亦有寫電視劇主題曲,但一路都放唔低香港嘅觀眾同家人,所以決定返嚟。」問到返港後是否會主攻音樂,他透露已開始着手籌備新歌及拍攝MV,但有合適角色及劇本仍會參演。至於有否機會返無綫拍劇,Rico說:「當然會拍!好多謝公司,如果冇公司就冇今日嘅郭力行!細個嘅時候不論拍劇又好、音樂又好,都畀咗好多機會我。」

文:音樂組

攝:張福宏