郭穎橋台灣學滿師樓．擅影
當年擔任「Sing之天使」的郭穎橋最近現身ViuTV節目，原來她轉做幕後並到台灣學攝影，搖身一變成為攝影達人！她自言最愛影香港的建築物，皆因各具線條美。
前「Sing之天使」成員「菠蘿」郭穎橋由幕前轉幕後，再由TVB轉ViuTV，參加攝影真人騷節目《攝．太帥》。由爆炸頭變身型格攝影師，郭穎橋自言都覺詫異：「起初我完全唔識影相，只係覺得攝影師好有型，咁就過咗台灣學攝影，一學就三年！我連黑房曬相都學埋，過程唔容易，最難係一個香港人過去，老師講課就用國語，好多嘢要適應！」
買少啲衫 添置器材
攝影乃燒錢的嗜好，郭穎橋也曾撫心自問：「啲攝影器材幾貴，我咪買少啲衫袋鞋？儲錢買器材？」提到拍攝取材，她自爆有鋪「影物癮」：「我鍾意搭『叮叮』，見到鍾意嘅建築物就影。以前日日見住香港冇乜特別，但去咗台灣三年後，先發覺香港嘅建築物亂中有序，好鍾意呢度建築物嘅線條，希望有朝一日大家提到香港建築物嘅攝影師，會記得我！」
文：影視組