唱作人潘欣妮想拜陳少琪為師
新進女歌手潘欣妮（Loretta）近年由模特兒轉型做歌手，更嘗試填詞工作成為唱作人。她早前首次以歌手兼填詞人身份，出席大型音樂頒獎典禮，坦言心情既緊張又興奮：「除咗見到好多前輩，好似JW（王灝兒）、方大同等，仲可以見到我嘅偶像陳少琪。我一直好欣賞呢位前輩，簡直想拜佢為師，不過我唔敢同佢講，今次有機會識佢已經好開心。」
近年既要唱歌又要填詞的Loretta，工作不絕，她坦言非常享受，更珍惜每個機會：「我覺得寫廣東歌最有挑戰性，好似寫慘情歌詞時，自己進入咗嗰個情緒，都會變得好唔開心，要識得點樣抽離。不過當寫完後，其他人收到份詞有共鳴感，嗰種滿足係難以形容。到之後首歌推出，就好似自己個BB出世一樣，好感動。」
