龔嘉欣勸交失敗心口中獎
張振朗及丁子朗於旺角一間網吧為無綫新劇拍攝打交戲，勸交的龔嘉欣亦被誤打胸口及手部。丁子朗笑言見到劇本有場與黃心穎的咀戲時，不禁陰陰嘴笑。
藝人張振朗、丁子朗（Karl）及龔嘉欣（Katy）日前於旺角一間網吧，拍攝無綫新劇《堅離地愛堅離地》，劇情講述張振朗到網吧找Karl，期間兩男發生肢體衝突，Katy即時勸交。三人為求有滿意效果，事前多次試位，其中一次拍攝，張振朗更被打到眼鏡飛甩，而Katy亦被誤傷胸口及手部。
由於拍攝場地狹窄，Karl自言拍攝時曾不小心撞到攝錄機，又試過揮拳時不小心打中張振朗的嘴唇，但他笑言打得開心。而張振朗就指被對方瘋狂打了二、三十下，難免會受傷：「我塊面撞中咗佢個額頭。」他指這場應該是二人最激烈的一場戲份，並反問Karl劇中有否更激的戲份？Karl說：「睇劇本有場同黃心穎要錫，睇到劇本陰陰嘴笑，好開心！」二人又稱不知Katy被打中胸口，張振朗笑指她可能想參與，展示身手。
真空上陣豁出去
首次擔正做女一的Katy直言對振朗的「宅男」造型有不一樣的感覺，合作時感覺自然及舒服。她又透露初次到網吧，發覺男仔打機有魅力，更不介意陪男生一齊打機，不會覺得悶，反而會覺得幾有趣。張振朗則表示未入行前曾與一班朋友去網吧打機，更笑言發覺劇中的造型與網吧的顧客渾然天成，沒有違和感：「佢哋覺得我係同伴，同我角色夠真實，同埋有啲人髮型真係好似我咁。」
此外，Katy早前真空上陣拍攝一輯靚相，為入行九周年留倩影。Katy笑言為拍劇keep住最佳狀態，是影靚相的好機會：「感覺自己大個女，好想有一個新形象給大家看，讓大家見到我的另一面，原來龔嘉欣都可以豁出去。」
文：影視組
攝：張福宏