街頭測試！借電話連環食檸檬
何超蓮日前接受本報的街頭任務大挑戰，她偽裝電話冇電，向四名途人借電話以測試香港人的善心指數。她接受任務前信心滿滿，認為可以成功向三名途人借電話，但結果剛好相反，只有一名途人願意幫忙。
超蓮事後稱沒有對結果感到失望，她解釋香港人普遍比較內斂，這亦是她成立慈善組織的原因，更笑言自己「食檸檬」經驗豐富：「記得第一次搞活動係喺香港大學派玫瑰花，當時以為情人節派玫瑰花，正常人會好開心，原來事實係會畀人拒絕，十次畀人拒絕六、七次。（點解咁堅持做街頭活動？）我想年輕人唔好成日留喺屋企，希望佢哋多啲接觸社會，就算食檸檬都係一種體驗。我想慢慢做大啲，成為青年力量去幫香港，個組織依家成立咗唔夠一年，已經有1,500位義工。」