謝霆鋒迎難而上：易就唔好玩

藝人謝霆鋒昨晚到澳門新濠天地參加米芝蓮「星」色晚宴，即場炮製六百個自創甜品，天后容祖兒亦受邀作嘉賓獻唱。晚宴開始前，霆鋒透露即將推出新歌，問他是否明年開騷？他說：「我希望個騷係新嘅形式，可能係個美食嘉年華連演唱會，搞緊，但批文唔係咁易，因為我希望有好多元素。」他指節目《鋒味》的理念是大家一起體驗，不只是買或吃，又笑言如果易就唔好玩：「場地搵緊，好關鍵，室外太多因素控制唔到，室內又唔夠多人。（想幾多人？）我唔識，總之希望達到呢個目標。人數唔緊要，唔一定要三千或一萬人，係氣氛要好。」

每個焗爐都有脾氣

他炮製的甜品名為「玫瑰泡芙及荔枝啫喱，玫瑰花瓣及香芹籽麵包條」，霆鋒認為甜品很難做：「甜品冇得救，入咗焗爐冇得加、減嘢，最有挑戰性。」他指這甜品要配合玫瑰及回憶的主題，又要現場擺盤，因此壓力很大：「創作嘅時候已經試過好多百次，但整一個同依家整六百個好唔同。」他透露自己是首位到場，上周日已來到適應廚房和焗爐，認為每個焗爐都有自己的脾氣，坦言每天在廚房都學了很多。

放大圖片	霆鋒「左右開弓」裝飾甜品，功架十足！	霆鋒希望開一個美食嘉年華連演唱會的新形式個唱。

唔擺感情事上螢幕

提到日前在蔡卓妍生日會見過鍾欣潼男友賴弘國，霆鋒笑說：「佢哋見家長！但我梗係唔評價啦，我哋係同事、朋友，廿年啦，咁熟，佢哋開心就得啦。（你唔帶女友王菲？）人哋見家長。」他坦言尚有兩集《鋒味》要拍攝，但不會邀請阿菲：「我唔鍾意將自己感情嘢擺上螢幕。（你哋好少機會一齊幕前出現？）唔係咁，我希望做嘢就係做嘢。」問到阿菲有否試過新甜品？他就表示不回答。

文：音樂組