孫耀威幫客做西裝教埋溝女
歌手孫耀威昨日到尖沙咀為奇妙電視節目《喜出望外》介紹飲食潮點，自言與尖沙咀甚有緣：「自己唔夠秤第一次去Disco就係去尖沙咀，依家仲喺度開咗三間舖，兩間做潮西、一間婚紗。雖然唔會發達，但係見到人着住自己設計嘅衫滿足感好大。我冇嘢做都會落嚟同啲客人吹水，有個學生哥搵我做西裝參加學校舞會，我仲教埋佢點溝女，哈哈。」
孫耀威的婚紗店正在試業，親自設計婚紗的他笑言挑戰性大：「要對女性胸、腰、臀部特別有研究，咁先做到應大得大、應細則細。」他指雖有不少行家前來抄款，但自言滿腦子創意，每星期也推出新款。稍後到上海拍戲的孫耀威希望明年能開演唱會，因粉絲已經期待已久。