歌手黃翊昨日到電台宣傳新歌《我的光》，表示相隔24、25年再出歌，現時錄音跟以前很不同：「以前我兩、三個鐘就得，但呢首歌我錄咗4、5次，以前係講技巧，依家着重感情。」問到重返幕前慣不慣？他坦言較攰：「因為要錄音、宣傳、演出，夜晚又要返舖頭幫手，始終舖頭係我生活o既地方，同埋我個仔依家12歲，太太身體弱啲又要照顧佢生活，所以就攰啲。（聖誕有冇得抖吓？）我都有啲工作同商演。」
