陳漢娜餵蚊暴曬拍廣告
新人陳漢娜憑電影《殺破狼．貪狼》飾演古天樂女兒成功突圍，獲封為「四大文青女」之一，近期更成為廣告商寵兒，先後接拍服裝及飾物品牌等廣告。早前陳漢娜化身「攝影女郎」為相機品牌拍廣告，大熱天時坐在一樓高的平台暴曬近四小時，還要走到滿布蚊子的草叢取景，拍到又痕又癢，大汗疊細汗。
問到拍廣告是否很辛苦？她說：「唔辛苦，雖然好曬，但拍廣告係咁，習慣晒，可以着短袖已經好好，最辛苦試過夏天要着厚厚嘅冬天衫拍廣告影足全日，比起嗰次拍攝，今次舒服得多。」現實中她自嘲是「宅女」：「我平時鍾意喺屋企睇書同畫畫，出街唯一鍾意影相，由細到大有玩開攝影，鍾意影菲林機，所以攝影對我嚟講冇難度。」
