楊玉梅嚴重胃炎得94磅
藝人楊玉梅前晚穿上紅色露背晚裝出席活動，身材弗爆的她現時僅得94磅，她透露近日驗身時發現患上嚴重胃炎：「可能做嘢太忙太緊張，中港兩邊走，嚟緊有部電影要開，啱啱又為無綫劇《包青天》試造型，食嘢唔定時，但我唔太想食藥，怕有副作用，朋友介紹咗個醫生畀我試吓用食療去醫。」談到早前其座駕與的士碰撞，她慶幸身體無恙。
同場低胸晒線的單身藝人顏子菲，透露今年31歲生日時，有人為她免費睇相後幫她揀明年結婚日子，早前其男性友人又夢見她揀婚紗，她認為自己對感情遲鈍，可能不知有人追，故不排除會閃婚。
「仁美清叙」主席程瑤則透露近日公私皆忙，將會與一眾亞姐推出慈善月曆︰「每個project都好緊密，大家影完月曆趕過嚟，想快啲畀大家睇。」她又感謝好友鄭敬基獻唱贈興，大讚對方當初爽快答應演出。