黃智賢渴望慢活享受人生

藝人黃智賢（Ben）於無綫劇集《雜警奇兵》飾演一個慢活主義的雜項調查隊督察，他坦言現實生活中都希望可以像角色般慢活：「慢活生活係講唔好畀壓力自己，享受生活，感受你身邊嘅人與物，樂在其中，而唔係好拚命，乜都留意唔到。」提到年初他有份主演的劇集《親親我好媽》贏得口碑及收視，之前Ben亦於馬來西亞奪得喜愛角色獎，他寄望此劇可奪台慶頒獎禮的「最佳劇集」。
黃智賢希望台慶頒獎禮再有好消息。
黃智賢希望台慶頒獎禮再有好消息。

Ben身為兒童節目《閃電傳真機》第一代主持，坦言從未有想過做兒童節目，之前在《雜》劇中與譚玉瑛以「烏卒卒」造型拍攝宣傳片：「《閃電傳真機》後冇同佢拍過嘢，當然我哋會成日食飯，今次合作好多回憶返晒嚟！（再做兒童節目主持？）玩吓無妨嘅，其實我有個願望，依家啲家長好重視小朋友，如果一個搞得好嘅兒童節目，可以喺合家歡黃金時段播出幾咁好！」

黃智賢與譚玉瑛（左）再拍檔，主持兒童節目的感覺返晒嚟。
  • 黃智賢與譚玉瑛（左）再拍檔，主持兒童節目的感覺返晒嚟。