陳煒呻好男人被Mark晒
廚藝了得的陳煒昨日出席活動時表示，平時有親自下廚炮製美食給劇組工作人員享用，早前宣布與台灣商人老公顏志行離婚的她，指與劇組同度聖誕不覺孤獨，更笑言好男人已被人Mark晒。
陳煒（煒哥）、黃智賢（Ben）、車婉婉、張達倫、簡淑兒、余思霆等昨日在電視城出席新劇《好日子》的造型活動，阿Ben表示與煒哥15年前於亞視曾合作，笑指煒哥加入無綫後一直避開他，現在終有合作機會，他說：「同煒哥合作，唔怕冇好嘢食，仲要加埋個同樣廚藝了得嘅黃淑儀，工作人員同演員都大飽口福！」
煲靚湯益同事
煒哥亦表示會親自下廚：「我都有煲好多湯水畀同事飲。（煮聖誕大餐？）日日都食大餐，唔一定要聖誕節。」離婚回復單身的煒哥表示，不擔心聖誕節會孤獨度過，與劇組一起都會開心。問到阿Ben會否介紹男士給煒哥認識，他笑指煒哥質素高：「佢揀吓先啦！」煒哥即說：「好男人已經畀人Mark晒啦！」
車婉婉求育嬰房
今年3月誕下兒子的車婉婉，目前仍餵母乳，今次拍劇是個挑戰：「我唔想放棄，嚟緊12月就開工，我要面對呢個問題。要有一個完善計劃，要泵奶又唔可以影響拍劇。」新爸爸張達倫則從旁提議，無綫應該開設一間育嬰房，婉婉大表認同：「小朋友『放題』咁喊你會好尷尬，佢哋好似好慘，但其實佢哋想食奶啫！」提到李佳芯（Ali）為爭視后壓力爆煲去求診，當日與Ali同行的婉婉指二人未有傾談獎項問題：「我哋女性無論婚前婚後或者攞影后，都係要調理吓身體。」原來之前她倆合作拍劇，婉婉就介紹醫生給Ali。
文：影視組