麥明詩晒水着畀余德丞電暈

陳豪、田蕊妮與李佳芯等好戲之人擦出的火花固然好睇，新一代的演出亦同樣吸睛，其中「佳佳」麥明詩（Louisa）、「安安」陳嘉寶、「鍾泰」陸永與「Ocean」余德丞便合力譜出一場錯綜複雜的四角戀。其中一幕，Louisa幫余德丞約陳嘉寶游水，但被秘密與陸永拍拖的陳嘉寶放飛機，Louisa只好親自到泳池交代，期間卻被男方的陽光氣息深深吸引。提到首次以水着拍劇，Louisa直言是私伙架生，而拍攝時其實非常尷尬：「因為個角色好傻氣，所以冇特登去Keep弗，唔夠靚！（定係因為余德丞個胸大過你？）冇得咁比，我唔使好似佢咁大個胸肌！」