AI開港騷囡囡睇到瞓着
日本女歌手AI前晚假九展舉行首次港騷，吸引不少一家大細及日本歌迷到場。她全晚演唱《STORY》及《Happiness》等共14首歌曲，並不時以英文與歌迷溝通，又叫台下港迷教她講廣東話「我愛你」、「香港好正」及「多謝」等搞氣氛。AI又讚港人有趣，希望再來港開騷。
AI的老公Hiro與2歲囡囡平和亦有在台下睇騷，但中途囡囡瞓着，Hiro遂抱她返後台，不久卻傳來喊聲，令AI忍不住在台上說：「My Baby is crying. My baby ok？」場面搞笑。完場後有歌迷不肯離去，AI於是再度出場清唱《MY FRIEND》及《YOU ARE MY STAR》一小節來滿足Fans。