陳國邦唔急回巢 等啲人開竅!

藝人陳國邦與羅敏莊(Mimi)昨日夫妻檔到鴨脷洲為ViuTV拍攝劇集《VR驅魔人》,阿邦指首度與老婆在劇中演回夫妻,感覺製作單位肯聆聽藝人意見。

阿邦早前被無綫游說回巢拍攝劇集《包青天》,演出「公孫策」一角,但最後因他參演ViuTV劇集《身後事務所》而臨門被飛,對此他說:「呢個只係公司裏面一啲人嘅問題,幕後手足都有不被尊重嘅情況,不過冇被報道出嚟!(好嬲?)冇!但希望就算唔合作,佢哋都可以交代得好啲,反而ViuTV高層有打畀我講唔好意思。可能喺TVB某啲人心中,咁處理唔覺得有乜問題!(唔再同TVB合作?)或者將來呢啲人『叮』一聲開竅,又或者處理手法改善番呢!有問題嘅唔係公司,係啲人嘅處理手法。」

夫妻檔拍劇要就「老闆」

至於Mimi力撐老公演技好,不愁沒有演出機會,又指今次夫妻檔上陣,要過「老闆」一關:「我屋企有個老闆(指女兒陳禛),我哋兩個同時拍劇,工人姐姐又放假,我哋尋晚就安排咗『老闆』去佢婆婆度,等有人幫手睇住,如果唔係點搞得掂!」

文:影視組