陳豪扮超級英雄 為大仔慶生
藝人陳豪昨日預告12月將會非常忙碌，但卻不是忙拍劇，而是忙為大仔陳梓燁搞生日Party，及準備小學入學面試。身為廿四孝老竇的他，亦不忘冧老婆，強調記得與陳茵媺的旅行約定，堪稱顧家愛妻好男人！
藝人陳豪、陳貝兒及魔術師甄澤權昨日到將軍澳，出席「將軍澳中心Park Central商場開幕儀式」，三人與新鴻基地產代理有限公司租務部總經理鍾秀蓮，一同欣賞醒獅表演。
預備小一入學試
陳豪預告12月將會很忙，他說：「大仔（12月4日）4歲生日，會為佢搞生日Party，主題係超級英雄。（你扮埋一份？）諗緊，搞咗個場地先！會交畀太太，佢係搞Party能手，保證開心，嚟緊聖誕Party都交畀佢，屋企已經布置咗聖誕樹，舊年太太有煮火雞添！（要買好多禮物畀小朋友？）其實舊年收嘅都未拆晒，我會收起，費事小朋友分心，大仔要為入讀小學準備面試。（報幾多間？）唔話你聽，但面試係訓練自信心。（有冇時間同老婆拍拖放閃？）就算有小朋友，做父母嘅都要畀時間自己，讓愛延續，我哋仲有個Trip都未去！」
陳貝兒聖誕結良緣
而陳貝兒揚言希望聖誕有個新開始，她說：「聖誕會去Party，了解吓，等自己迎合依家嘅市場需要，等私生活有個新開始！」甄澤權則說：「聖誕我會出外做表演，近年都喺工作中過聖誕。」
文：影視組