馬國明下一步娶黃心穎？
近日忙於在上海拍戲的馬國明，昨日特意返港到大埔超級城出席聖誕活動。活動上，他與粉絲玩遊戲兼大展歌喉。談到將與心穎共度首個聖誕，他卻說：「梗係想工作啦，愈多愈好。（冷落心穎？）佢都要搵錢供樓，不過我諗緊聖誕送乜畀佢，大時大節要有表示，依家回憶緊佢平時講過乜、想要乜。（你係務實型？）我係呀，但唔係冇情趣嘅，日日畀驚喜就冇可能喇。」
讚女方易相處
問到是否已認定心穎的地位？馬國明笑說：「有時唔需要交代得咁清楚，總之我哋下一步會係結婚或分手。（有信心？）唔知，不過佢係個容易相處嘅女仔，我要嘅都係性格行先，外表唔重要。」他又透露要到明年2、3月再開劇，計劃在這段空檔與心穎去旅行：「我哋有講過，大家未試過一齊去旅行嘛。（去邊？）去邊都咁開心。（見家長？）仲未，佢話農曆新年可以收利是嘛。」