陳嘉寶同老公辜負初夜
婚前堅守「色戒」的藝人陳嘉寶前日與闊少黃頌祈結婚，新婚夜本來攞正牌開齋，但人妻只顧執嘢，攰到掛住搵「周公」而錯過春宵一刻，難得老公未有責怪，會繼續守候這位爛瞓「豬」！
身為基督徒的陳嘉寶（Anjaylia）與黃頌祈（Epaphras）遵守信仰指引，維持了四年「有愛冇性」的拍拖生活後前日共諧連理，並迎來婚後第一夜。昨午12時半，素顏的Anjaylia在老公陪同下離開酒店，自言身心俱疲的她，被問到可有洞房？她竟說：「冇呀，完全冇時間，因為招呼朋友到凌晨一點先返房，仲有好多嘢要執，執到好夜，唔係瞓咗好多。」
唔急生BB
黃頌祈未有因太太顧住瞓而詐型，更變人肉聖誕樹，一手抽兩大袋，一手則夾住大箱物品深情望住老婆，而Anjaylia則透露結婚派對還未完：「我哋要趕上船再同朋友慶祝，我諗我都係暈住咁Celebrate。」黃頌祈亦「婦唱夫隨」地說：「冇諗過咁多嘢要處理。」Anjaylia表示工作為先，暫時不度蜜月，黃頌祈即和應：「冇分別，結婚之前佢都係keep住做嘢。（幾時生BB？）唔急，媽咪都唔急。」問到如有小朋友可會息影做全職媽媽，Anjaylia說：「太遠喇，要同經理人傾吓。」
而Super Girls成員吳嘉熙（Cheronna）前晚做完Anjaylia的結婚姊妹後，昨日出席活動時自認在婚宴上千杯不醉，更爆陳瀅亦愛杯中物，並說：「有醉酒嘅人搵大肚嘅賴慰玲借力，好在冇事。」問到何時結婚，Cheronna說：「畀啲壓力Dixon（男友黃奕晨）。」
文：音樂組
攝：吳文聰