苗僑偉59歲稱帝唔覺遲
憑劇集《使徒行者2》奪得馬國視帝的苗僑偉（三哥），昨日傍晚從馬來西亞返港，對59歲稱帝可覺是遲來的春天？三哥說：「唔遲！不斷求進步嘛。（攞埋無綫視帝再下一城？）平常心啦！（加酬勞？）少少都要，三、五千啦！」
而昨午朱晨麗（朱朱）、譚凱琪、蔡思貝、何廣沛等亦先後返港，朱朱被問到緋聞男友何廣沛攞獎沒有多謝她，可會「嬲嬲豬」？她笑說：「咁我考慮吓嬲佢！（希望佢喺香港再攞獎？）希望佢得啦，都睇到佢嘅改變，佢做小太監做得好好。」贏得飛躍男藝員的何廣沛受訪時說：「有啲前輩都會預備定貓紙，原來上台真係咩都唔記得！（有信心繼續攞獎？）希望真係有啦！」至於贏得飛躍女藝員的譚凱琪表示前晚開心到瞓唔着：「攞獎好感動，估唔到落台一刻腳軟，先知自己好緊張！」
