洪永城Ready再拍拖唔迷辣妹

Tony表示已準備好再拍拖。

他透露下月將到台灣嘉義拍攝新節目《愛在遙遠的地方》：「仲會搵一個女仔拍攝，依家仲Casting緊。（想要咩類型？）外形清秀純樸、未見過世面同埋靚。（你鍾意邊類台妹？）男士唔同階段有唔同喜好，依家鍾意傾到偈、望落舒服同有內涵。（過咗鍾意辣妹嘅階段？）可以咁講。」與唐詩詠分手大半年的他，早前被拍得夜會好友「辣版陳嘉桓」，問到是否已準備好迎接下段戀情？他直言：「我Readyo架喇。（去台灣搵女友？）緣分要嚟就嚟，要走就走o架啦！命運嚟嘅。」

何依婷自爆有桃花

擔任司儀的Jennifer穿Tube Dress略晒事業線，她表示聖誕會返倫敦旅行及探朋友，問到會否叫朋友介紹男仔？她說：「冇啦，好多大學同學都結晒婚，而且我唔接受異地戀。」

另一邊廂，港姐雷莊𠒇與何依婷昨日出席慈善活動，雷莊𠒇表示希望男友聖誕來港陪她。單身的何依婷則自爆有追求者：「但依家想工作先，同埋都冇乜時間放假。」文：影視組

岑杏賢性感上陣擔任頒獎禮司儀。

雷莊𠒇（左）與何依婷一同出席慈善活動。